රත්නම්ගේ වේදනාව

‘ඒ වෙලාවෙ ඇතිවුණු වේදනාවට මම කල්පනා කළා මේ අයව මරන්නේ කොහොමද කියලා. මම කාලයක් හමුදාවේත් හිටපු කෙනෙක්. ඒත් මම හිංසනයට ආසක්ත වුණ කෙනෙක් නෙවෙයි. ඒත් මම ඔවුන්ව මැරුවා.’ මේ කතාව කියන්නේ චිත්‍රපටි අධ්‍යක්ෂ චන්ද්‍රන් රත්නම්ය.

ඔහු විස්තර කරන්නේ රවීන්ද්‍ර රන්දෙණිය ඇතුළු සිව්දෙනෙකු පිළිබඳවය. චන්ද්‍රන් රත්නම් ගොඩනැගූ ‘ඒෂියන් ෆිල්ම් ලොකේෂන් සර්විසස්’ සමාගමේ සේවය කළ රවීන්ද්‍ර රන්දෙණිය ඇතුළු සිව්දෙනෙකු ඔහුගෙන් වෙන්ව ‘ද ෆිල්ම් ටීම්’ නමින් සමාගමක් ආරම්භ කර තිබුණි. චන්ද්‍රන් රත්නම් කියන්නේ තවත් ව්‍යාපාරයක් ආරම්භ කිරීමක් නොවී, තමන්ගේ සම්බන්ධතා, ශ්‍රමයට දැඩි අසාධාරණයක් රවීන්ද්‍ර රන්දෙණියලා සිදුකළ බවය.
‘මම ඒ කාලේ මේ ප්‍රශ්නය ගැන විවෘතව කතාකළේ නැහැ. එතකොට රවීන්ද්‍ර රන්දෙණියලාට ආණ්ඩුවේ බලය තිබුණා. ඒත් දැන් කතාකරන්න පුළුවන්.’
ඔහුට කියන්නට තිබෙන කතාව ලියා තැබිය හැකිනම් තමන් ඉතා සතුටු වෙන බව ඔහු කීය. මේ සටහන ඒ වෙනුවෙනි.

ශ‍්‍රී ලංකාවේ ෆෙස්බුක් පාලනය අයර්ලන්තයේ සිට

ශ‍්‍රී ලාංකිකයන් ෆෙස්බුක් අඩවියෙහි පළකරන විවිධ අදහස් දැක්වීම් අතරින් ජනවාර්ගික ගැටුම්වලට හේතුවන අදහස් දැක්වීම් පාලනය කිරීම සඳහා ෆෙස්බුක් ආයතනයේ අයර්ලන්තයේ ඇති කාර්යාලයක් විසින් කණ්ඩායමක් යොදවා ඇති අතර එම කාර්යාලය ජනාධිපති මෛත‍්‍රීපාල සිරිසේන හා ඔහුගේ පවුලේ සාමාජිකයන්ට එරෙහි දේශපාලන අදහස් දැක්වීම්ද පාලනය කරමින් සිටින බව වාර්තා වෙයි.

Add caption

( පහළ යූටියුබ් ලින්ක් එකෙන් සම්පූර්ණ කතාව ගැන විස්තර කරපු රිවීව් එකක් බලන්න පුලුවන්.... )

ෆෙස්බුක් අඩවියෙහි ජනාධිපති මෛත‍්‍රීපාල සිරිසේනගේ හෝ චතුරිකා සිරිසේන වැනි ඔහුගේ පවුලේ සාමාජිකයන්ගේ ඡායාරූප හෝ නම් සඳහන්වෙන ෆෙස්බුක් අදහස් දැක්වීම් ෆෙස්බුක් ආයතනයට මුදල් ගෙවා දැන්වීම් ලෙස පළකිරීම එම කණ්ඩායම විසින් අත්හිටුවා ඇත. ෆෙස්බුක් ආයතනයෙහි දැන්වීම් පළකරන ක‍්‍රමය වන්නේ යම් ෆෙස්බුක් පිටුවක් පළකරන පෝස්ටුවක් ඩොලර් කිහිපයක මුදලක් ගෙවා, වෙනත් ෆෙස්බුක් ගිණුම්වල නිව්ස් ෆීඞ් කොටසට දැන්වීම් ලෙස යැවීමයි. එලෙස පළකරන දැන්වීම්වල ජනවාර්ගි ක ගැටුම් ඇති නොවෙන අන්දමේ දේශපාලන අදහස් සටහන් වුවද එවැනි දැන්වීම්ද, ජනාධිපතිවරයාට හා ඔහුගේ පවුලේ සාමාජිකයන්ට අදාළ දැන්වීම්ද ප‍්‍රචාරය නොකිරීමට ෆෙස්බුක් ආයතනය කටයුතු කරයි. ඊට අමතරව දේශපාලන අදහස් රැගත් ෆෙස්බුක් පෝස්ට් තහනම් කළ අවස්ථා කිහිපයක්ද වාර්තා වී ඇත.

පසුගිය මාර්තු මාසයේදී තෙල්දෙණිය හා දිගන ප‍්‍රදේශවල ඇතිවූ ගැටුම් හේතුවෙන් ජනාධිපති ලේකම් කාර්යාලයේ මැදිහත්වීම මත විදුලි සංදේශ නියාමන කොමිෂන් සභාව විසින් ෆෙස්බුක් ඇතුළු වෙබ් අඩවි කිහිපයකට පිවිසීම අවහිර කර තිබුණි. ඉන්පසුව ෆෙස්බුක් ආයතනයේ නියෝජිතයන් පිරිසක් සහ ශ‍්‍රී ලංකා රජය අතර සාකච්ඡුාවක් පවත්වා තිබුණු අතර ශ‍්‍රී ලංකාවේ රජය පාර්ශ්වයෙන් ෆෙස්බුක්හි පළවෙන අදහස් දැක්වීම් පාලනය කිරිම සඳහා ශ‍්‍රී ලංකාවේ කාර්යාලයක් පිහිටුවන ලෙස දැඩිව ඉල්ලීම් කර තිබුණි. ෆෙස්බුක් ආයතනය එයට එකඟ වී නොතිබුණු අතර ඒ වෙනුවට අයර්ලන්තයේ ඩබ්ලින්හි තිබෙන ෆෙස්බුක් සමාගමේ කාර්යාලයකට ශ‍්‍රී ලාංකිකයන් පිරිසක් බඳවාගෙන, ලංකාවේ ෆෙස්බුක් ගිණුම් පිළිබඳ පරීක්ෂා කිරීම පවරා ඇත.

මේ වෙද්දි ෆෙස්බුක්හි සිදුවන අදහස් දැක්වීම් පිළිබඳව ලැබෙන පැමිණිලි සියල්ල එම කණ්ඩායම විසින් පරීක්ෂා කරනු ලබයි.

අනිද්දා සමඟ අදහස් දක්වමින් ෆෙස්බුක් ආයතනය සමඟ සම්බන්ධතා පවත්වා ඇති තොරතුරු තාක්ෂණ නියෝජිතායතනයේ නිලධාරියෙකු ප‍්‍රකාශ කළේ ෆෙස්බුක් ගිණුම් පාලනය කිරීමේ කටයුතු ශ‍්‍රී ලංකාවේදී කිරීමට හෝ එයට ශ‍්‍රී ලංකා රජයේ මැදිහත්වීම් සිදුකිරීමට ෆෙස්බුක් ආයතනය එකඟ නොවූ බවයි. ජනාධිපතිවරයා විවේචනය කරන අදහස් දැක්වීම් පාලනය කිරීම මඟින් ශ‍්‍රී ලංකා රජය සමඟ ගැටුමක් ඇති කර නොගැනීමේ ප‍්‍රතිපත්තියක සිට ෆෙස්බුක් ආයතනය එම කටයුතු සිදු කරනවා විය හැකි බවය.

-  රේඛා නිලුක්ෂි හේරත්

( අනිද්දා පුවත්පතේ පළවුණ ප්‍රවෘත්තියක්.... පහළ ලින්ක් එකෙන් අනිද්දා වෙබ් එකට ගියොත් තවත් හෙළිදරව් රැසක් දකින්න පුලුවන්. ) 
http://www.anidda.lk/%E0%B7%81%E2%80%8D%E0%B7%8A%E2%80%8D%E0%B6%BB%E0%B7%93-%E0%B6%BD%E0%B6%82%E0%B6%9A%E0%B7%8F%E0%B7%80%E0%B7%9A-%E0%B7%86%E0%B7%99%E0%B7%83%E0%B7%8A%E0%B6%B6%E0%B7%94%E0%B6%9A%E0%B7%8A-%E0%B6%B4/

මනි රත්නම්ගෙ ෆිල්ම් එක....

මනි රත්නම්ගෙ අලුත්ම චිත්‍රපටිය ආවා. බැලුවා. හොඳයි. ඒත් අඩුපාඩු ටිකක් තියෙනවා.... කෙටි රිවීව් එකක් මේ වීඩියෝවෙන් බලන්ඩ පුලුවන්....

මනි රත්නම්, රෙහ්මාන්, සේදුපති, සිම්බු, අරවින්ද් සාමි, ජෝතිකා, ප්‍රකාශ් රාජ්, සේකර් ප්‍රසාද්, සන්තෝෂ් සිවන් ඇතුළු සිනමාවේ දැවැන්ත නම් තොගයක් එක්ක නිර්මාණය කරපු චෙක්ක චිවන්ත වානම් චිත්‍රපටියට ෆිල්ම් හෝල් හවුස්ෆුල් වෙන එක අහන්න දෙයක් නෙවෙයි.

චිත්‍රපටිය ඇවිල්ලා දවස් දෙකකට පස්සේත්, 29 වැනි සෙනසුරාදා දෙහිවල කොන්කෝඩ් එකට ගිය අපට ෂෝ එක හවුස්ෆුල් නිසා මඟහැරුණා. එහෙමම කඩාගෙන මරදාන සිනෙසිටියට ගිහිල්ලා රෑ නවයෙ දර්ශනය බලන්න තමයි අමාරුවෙන් හෝල් එකට රිංගගත්තෙ. දැක්ක විදියට සිනෙසිටියෙත් හවුස් ෆුල්. සාමාන්‍යයෙන් සිනමාහල්වලට නොයන රසිකයෙක්ට වුණත් චෙක්ක චිවන්ත වානම් බලන්න නම් අනිවාර්යයෙන් හෝල් එකකට යන එක වටිනවා. හෝල් එක ඇතුලෙ එනර්ජි එක, චියර්ස් එක්ක චිත්‍රපටිය උපරිමයෙන් ෆීල් වෙනවා.

රොමෑන්ටික් චිත්‍රපටි, රාවන් වගේ චිත්‍රපටි කරපු මනි රත්නම් නැවතත් මෙවර යන්නේ නාගරික ගැන්ග්ස්ටර්ලාගේ චිත්‍රපටියකට. තලපති චිත්‍රපටිය මහාභාරතයේ චරිත වර්ථමානයට ගැලපෙන ලෙස ප්‍රතිනිර්මාණය කිරීමක්. චෙක්ක චිවන්ත වානම් කියන්නෙ පොන්නියින් සෙල්වන් කියන 1950 දෙමළ ඓතිහාසික කතාවෙ ආභාෂයෙන් හදපු චිත්‍රපටියක්. පරණ කතාව ලංකාවත් යටත් කරගත්තු චෝල රජ කෙනෙක් සහ දරුවන් පිළිබද කතාවක්. චිත්‍රපටිය දැවැන්ත අපරාධකාරී ව්‍යාපාරිකයෙකු සහ ඔහුගේ පුතුන් තිදෙනා අතර කතාවක්.

අනිවාර්යයෙන්ම මේ චිත්‍රපටිය මේ අවුරුද්දේ මෙතෙක් අප බලපු චිත්‍රපටි අතරින් හොඳම එක. චිත්‍රපටියේ ඉන්න, ඉහළින් කීව විශිෂ්ඨයන් එකතුවුණාම කොහොමත් වටිනා චිත්‍රපටියක් නිර්මාණය වෙනවා. එහෙත් මනි රත්නම්ගේ සහ සන්තෝෂ් සිවන්ගේ රූප මායාවල් එක්ක ගත්තාම මේකේ යම් යම් අඩුවක් තියෙනවා. මොකද මේ චිත්‍රපටියේදී රූපරාමුවල රැඳී ඉන්න මනි රත්නම් උත්සාහ කරන්නෙ නැහැ. ඒ වෙනුවට වේගයෙන් රූපයෙන් රූපයට මාරු වෙනවා. ඒකට හේතුවක් තියෙනවා.

චෙක්ක චිවන්ත වානම් කියන්නෙ එපිසෝඩ් අටක විතර සීරීස් එකක් විදියට කරන්න තිබුණු සංකල්පයක්. හිතන්න. මේ චිත්‍රපටියට ප්‍රධාන චරිත හතරක් තියෙනවා. නළුවෝ හතරදෙනෙක්. මේ හතරදෙනාටම සමව සලකන්න වෙනවා. තව කාන්තා චරිත, ප්‍රකාශ් රාජ්ගේ සේනාපති චරිතය වගේ ඒවා හමුවෙනවා. මේ සියළු චරිත එක්ක පැය දෙකහමාරක් ඇතුලෙ කතාවක් කියන්නත් සිද්ධවෙනවා. අපි චිත්‍රපටියක් බලද්දී ඒකෙ ඉන්න චරිත විසින් ගන්න තීරණ එක්ක අපි ගැටගැහෙන්න ඕන. එහෙත් මේ වගේ චරිත ගොඩක් ඉන්නවානම් එක චරිතයක් එක්ක අපට මුහුවෙන්න ලැබෙන්නෙ බොහොම පොඩි වෙලාවක්. සමහර වෙලාවට එක ඩයලොග් එකකින් අපට චරිතයක් එක්ක මුහුවෙන්න වෙනවා.

සමහර තැන්වල සාර්ථකයි. වර්ධාන් එක්ක  ප්‍රේක්ෂකයා ගැටගැහෙනවා. වර්ධාන් ඩයලොග් දෙක තුනකින් තමන් කළ දේවල් කළේ ඇයි කියලා කියනවා. ඊතිව හඳුන්වාදෙන සීන් එක උපරිමයි. එතැනින් පස්සෙ බලන අපි ඊතිට ලව් කරන්න ගන්නවා. ඒත් අනෙක් චරිත සියල්ලටම සමීප වෙන්න අසීරුයි. රසූල්ට පවා අපි ආදරය කරන්නෙ ඒ චරිතය කරන විජේ සේදුපති නිසා නෙවෙයි. චිත්‍රපටිය බලද්දී කාටහරි අඩුවක් දැනුණොත් ඒ අසාර්ථක තැන් ටික ගැන තමයි.

එක පැත්තකින් මනි රත්නම්ම අපට පෙන්වලා දුන්න දැවැන්ත කාන්තා චරිත මේ චිත්‍රපටියෙදී මුණගැහෙන්නෙ නෑ.

අනෙක බොහෝ අවස්ථා එක්ක අපට ඉමෝෂනලි කනෙක්ට් වෙන්න බැහැ. චිත්‍රපටියේ තියෙන මරණ අතරින් එකක් හැර අනෙක් එකක්වත් අපව ෂොක් කරන්නෙ නැහැ. ඒත් එකම එක මරණයක් විතරක් උපරිමයෙන් ඩිලිවර් කරලා තියෙනවා. චිත්‍රපටිය නොබලපු අයට ස්පොයිලර් නිසා ඒක කියන්න බැහැ. ඒ මරණය ලස්සන රොමෑන්ටික් දර්ශනයක් මැද්දෙ එකපාරම එන ස්නයිපර් පහරකින් එන බව කියන්න පුලුවන්. සන්තෝෂ් සිවන්ගෙ සුන්දර රූපරාමු මැද්දට ඒ ෂොකින් සීන් එක එනවා. ඒ හැරුණුකොට චිත්‍රපටියෙ සිද්ධවෙන මරණ හැටහුටහමාරම වේගයෙන් සිද්ධවෙනවා. කවුරුවත් හරිහැටි අඬන්නෙවත් නැහැ. තවත් සමහර චරිත අතුරුදන් වෙනවා. ඔහේ අත්හැරලා දානවා.

අරුන් විජේ ඩිලිවර් කරන මර්ඩර් ටික හැර අනෙක් ගොඩක් මර්ඩර්ස් වලදී මරණ කෙනාගෙන් වුණත් ලොකු ෆීලින් එකක් මැවෙන්නෙ නැහැ.  

චිත්‍රපටියෙ ස්කෝර් කරනවා තුන්දෙනෙක්. ඒ තමයි සහෝදරයො තුන්දෙනා. හොඳට කල්පනා කළොත් වැඩිපුරම ස්කෝ කරන්නෙ සිම්බු. සිම්බු එක්ක තමයි හෝල් එකේ හිටපු ප්‍රේක්ෂකයො වැඩිපුරම බැඳුනෙ. දෙවැනියා අරවින්ද් සාමි. මේ චිත්‍රපටිය නැවත සිනමාවට ආපු අරවින්ද්සාමිට නියම වටිනාකම දුන්න චිත්‍රපටියක්. අරුන් විජේගෙ ඇතුලෙ තියෙන අපූරු ටැලන්ට් එක මේ චිත්‍රපටියෙන් මතු වෙනවා.

අන්තිමට ඉතින් සුපුරුදු ලෙස, විජේ සේදුපති...... උඹ නම් මාරයි. 

රෙහ්මාන්... ඔබ දෙවියෙක්.

සේකර් ප්‍රසාද්... උඹ චිත්‍රපටි කපනවා කැපිල්ලක්!! තනි ඇහැට කඳුලක් එන විදියට.

සන්තෝෂ් සිවන්... උඹ කැමරාකාරයෙක් වුණාට කවියෙක්. සිත්තරෙක්.

මේ හැම දක්ෂයාම එකතුවෙද්දී ප්‍රොජෙක්ට් එක ෆිල්ම් හෝල් පුරවන්න සමත් වෙනවා.

මගේ සන්නා වර්ණනාව

උසස්පෙළ ඉවරවෙලා මම ගමේ ගියා. මාසයක් දෙකක් ගමේ කොල්ලො එක්ක රවුම් ගහන්න පටන්ගත්තා. රවුම් කියන්නෙ යාලුවො සෙට් එක එක්ක පිස්සුම කෙළින්න පටන්ගත්තා. ඒත් හිත ඇතුලෙන් අවුලක් තිබුණා. ගමේ ඇවිත් රවුම් ගහලා මමත් සාමාන්‍ය කොල්ලෙක් වෙයිද? පොඩිකාලෙ ඉදන්ම මට සාමාන්‍ය එකෙක් වෙන්න ඕනවුණේ නැහැ. ගමේ එකෙක් වෙන්න ඕනවුණේත් නෑ. ටික දවසකින් පස්සෙ එක් දවසක මම ආයෙමත් වහාම කොළඹ එන්න පිටත්වුණා.

විශ්වරූපම් 2

ජානුස් කියන්නේ රෝමානු විශ්වාසයන්හි එන ඔලු දෙකේ දෙවිකෙනෙක්.
අතීතය සහ අනාගතය එකවර දැකිය හැකි බව කියනවා.
ජනවාරි මාසයට ඒ නම ලැබෙන්නට හේතුව ජානුස් බවත් කියනවා.
ජානුස් දෙවියන් නියෝජනය කරන බොහෝ දේ අතර ‘ද්වීමාන’ බව තියනවා.
ද්විත්ව බව, ද්විඝට්ටනය, දෙපත් නයා, ද්විරූප බව හෝ ඕනෑම වචනයකින් අපේ
හිසට එන හැඟීම් ජානුස් නියෝජනය කරනවා. හොඳ - නරක යන්න නිරූපණය
කරන්නේත් ජානුස්.

බස් වල යනවානම් කියවන්න ( Bus Passenger's Rights )

වසරකට සැරයක් බස් ගාස්තු සංවාදය මතුවෙනවා. අඩුම තරමේ වසර දෙකකට වතාවක් වත් බස් මිල වැඩිවෙනවා. යහපාලන ආණ්ඩුව ආ විගස බස් ගාස්තුවේ යම් අඩුවක් වුණත් කෙටි කාලයකින් බස් ගාස්තුව යළි වැඩි වුණේ වාර්ෂිකව බස් ගාස්තුව පිළිබඳ සාකච්ඡා කිරීමේ ප්‍රතිපත්තිය නිසා. තෙල් මිල වැඩිවුණ අවස්ථාවේ බස් ගාස්තුව වැඩිවූ ප්‍රමාණය මදි කියලා බස් සංගම් විරෝධතාවය දැක්වුවේ බස් වර්ජනයකට යන බව තර්ජනය කරමින්. ඔවුන්ට ඒ සඳහා පැහැදිළි අයිතියක් තියෙනවා. බස් කර්මාන්තය මහා ලාභ ලබන ව්‍යාපාරයක් නොවන බවත් අපි දන්නවා. බස් ගාස්තුවේ 12.5ක වැඩිවීමක් වෙලා තියෙන්නෙ ඔය සියල්ලම අනුව.

ශිරන්ති රාජපක්ෂ ජනාධිපතිවරණයට එයිද?

මේ සතියේ අනිද්දා පුවත්පතේ ප්‍රධාන ප්‍රවෘත්තිය මීළඟ ජනාධිපතිවරණය ගැන අලුත් කතාවක් ගෙනාවා. ඒ මාතෘකාව අල්ලලා අපි කාලයක් තිස්සෙ හිත හිත හිටපු වැඩක් පුංචියට පටන්ගත්තා. යූටියුබ් චැනල් එකක්. පුංචි සහ සරල එකක්. සමහරවිට ටික දවසකින් නවතීවි.

අලිද? මිනිස්සුද? Human? Elephants?

සිංහරාජයේ වෙසෙන අලි දෙදෙනා ඉවත් කිරීම හෝ නොකිරීම බරපතල සංවාද මැවූ සාකච්ඡුාවක් බවට පත්විය. ජනාධිපති මෛත‍්‍රීපාල සිරිසේන පෞද්ගලිකවම මැදිහත් වෙමින් අලි දෙදෙනාව ඉවත් නොකරන ලෙස දැනුම් දී තිබුණි. එහෙත් වනජීවී අමාත්‍ය සරත් ෆොන්සේකා සහ නියෝජ්‍ය අමාත්‍ය පාලිත තෙවරප්පෙරුම යන දෙදෙනාම ඉන්නේ අලි දෙදෙනාව ඉවත් කළ යුතුය යන මතයේය. එසේ නොකළොත් ඇමති ධූරයෙන් ඉවත්වන බව ෆොන්සේකා මහතා කියා තිබුණි. එහෙත් ඔහු ඇමතිධූරයෙන් ඉවත් නොවී, මේ වෙද්දී මාතෘකාව යටපත්වෙමින් තිබෙන බව පෙනෙයි. මාතෘකාව මාධ්‍ය වල යටපත් වුණත් ප‍්‍රශ්ණයෙහි වෙනසක් නැත. එපමණක් නොව අලි පහරදීම් නිසා පසුගිය සති තුන ඇතුලත මනුෂ්‍ය ජීවිත තුනක් නැතිව තිබුණි.

Angoda, Wimal, Anura and පිස්සෝ

වීරවංශගෙ මෑත ඉතිහාසය තුළ විවිධාකාර අපහාස වචන රැසක් දකින්න පුලුවන්.
හැබැයි එහෙම වුණ පළියට විමල් වීරවංශට කවුරුහරි කෙනෙක් කරන අපහාසයක් සාධාරණීකරණය වෙන්නෙ නැහැ.

කොහොම වුණත් අපහාස කිරීම මාතෘකාවේදී මෙතෙක් කල් චූදිතයා වූ විමල් වින්දිතයා වෙනවා. අපි වින්දිත විමල් දෙස මධ්‍යස්ථව සහ සාධාරණව බලමු. අනුර කුමාර දිසානායක විමල් වීරංවශට චෝදනා කරන්නෙ මානසික රෝගියෙක් බව කියමින්. ඒ සිද්ධියේදී අනුරට කේන්ති ගිය එක සාධාරණයිද? විමල්ටත් මේවා උරුමයිද වගේ සංවාද ඔක්කෝම පැත්තක තියෙද්දි අපි නම් ඉදිරියට ගන්නේ මෙතැන පැසවන මාතෘකාව. දැවැන්තම ප්‍රශ්ණය.

විජයකලාගේ කතාව

'දැන් හරි විජයකලාව ඇමතිකමෙනුත් එළෙව්වා. දැන් තියෙන්නෙ පාර්ලිමේන්තු මන්ත්‍රීධූරයෙන් එළවන්න. ආයෙමත් ඔයවගේ කතා නොකියන්නම දෙමළු පාඩමක් ඉගෙනගනීවි......' කෙනෙක් එහෙම හිතනවා ඇති.

විජයකලා මහේෂ්වරන්ගේ ප්‍රකාශය උතුරේ බහුතර මතය කියලා අපි පෝස්ට් එකක් දැම්මාම බොහෝ දෙනෙක් ඒක දැඩිව විවේචනය කළා. ඒක වැරදියි. ඒක බොරුවක්. උතුරේ ගියේ කවදාද? සමීක්ෂණය කළාද වගේ නොයෙකුත් ප්‍රශ්ණ ඇහුවා. අපිත් කල්පනා කළා ඒ ප්‍රශ්ණ ඇසීම සාධාරණයි නේද? කියලා.

රෝස පුතුන්

ආදරය, බැඳීම සහ විවාහය යන වචන අපට ගෙනෙන්නේ කෙබඳු අර්ථයක්ද? අපි හැමෝටම එකිනෙකාට තියෙනවා අපේම අදහසක්. විවාහය ගැන. විවාහය සර්වකාලීන සංකල්පයක්. මුළු ලෝකයම එකවර විවාහයට එකඟ වුණා වගෙයි. ඇමෙරිකානු ¥පත් යුරෝපයෙන් වෙන්ව පැවතුණත් ඉතිහාසය පුරාම ඇමෙරිකාවේ විවාහය පැවතුණා. ආසියාව වෙනම තිබුණත් ආසියාවේද විවාහය පැවතුණා.  ඕස්ට‍්‍රේලියානු, සැමෝආනු සංස්කෘථියේත් විවාහය පැවතුණා. ඒවාට අදාල සංස්කෘතියේ වෙනස්කම් මිස විවාහය යන සංකල්පයේ වෙනසක් කිසිවෙකු අතර නැහැ.

මරණය

චාමර ලක්ෂාන් සමඟ අපි කිසිදිනක කතාකරලා නැහැ. වෘත්තිමය සම්බන්ධයක් තිබිලාත් නැහැ. ඔහු ගැන වැඩිපුර අහන්න ලැබිලාත් නැහැ. දන්නේ ඔහු ලේක්හවුස් එකේ හිටපු කාලය ගැන පමණයි. බොහෝ අය චාමරව දැනගෙන හිටපු බවත්, හැමෝම ඔහුට ආදරය කරලා තියෙන බවත් දැන් පෙනෙනවා. ඒ ඇතැම් අය ඔහු ජීවත්ව සිටියදී ඔහු ගැන කියා තිබෙන දේවලුත් අප අසා තියෙනවා. අවංකවම කීවොත් ඔහු ගැන දැවැන්ත ප්‍රතිරූපයක් අපේ හිතේ මවාගන්නට තරම් ඔහු ගැන අසා තියෙන දේවල් ශක්තිමත් වෙලා තිබුණෙ නැහැ.

ඇත්තටම චාමර ලක්ෂාන් මහතා ජීවිතයෙන් සමුගත්තාට පසුව ඔහු ගැන කියන දේවල්වලින් බිඳක් හෝ ඔහු ජීවත්ව සිටියදී අසන්නට ලැබී තිබුණානම් චාමර මහතාව ආශ්‍රය කිරීමේ වාසනාව අපටත් ලැබෙන්න ඉඩ තිබුණා. එවැනි කිසිවක් අහන්න නොලැබුණ නිසා චාමර ලක්ෂාන් මහතා අපේ සැලකිල්ලේ පරිධියේ හිටපු කෙනෙක්.

ලංකාවේ යුද්ධය ගැන ලියැවුණු පොත්

යුද්ධයක් කිසිම රටකට මිහිරි අත්දැකීමක් නෙවෙයි. එය අමිහිරි අත්දැකීමක්. එහෙත් යුද්ධයක් වැනි අමිහිරි අත්දැකීමක් අනාගතයේ එවැනි අත්දැකීම්වලට මුහුණ නොදීමේ අරමුණෙන් සාහිත්‍යාංගයක් ලෙස මතකයේ රඳවාගන්නට බුද්ධිමත් සමාජයන් කටයුතු කරනවා. ලෝක ඉතිහාසය තුළ ලෝක යුද්ධ දෙක ඇතුළු සියළුම යුද්ධයක් පිළිබඳවම පාහේ දියුණු සාහිත්‍ය ලෝකයක් නිිර්මාණය වෙලා තියෙනවා.

බැසිල්

බැසිල් ගෝඨා ගැටුම. කුප්‍රකට ෂැංග්‍රිලා සිද්ධියෙන් පස්සේ ලංකාවෙ වැඩිපුරම කතාබහට ලක්වෙන මාතෘකාව. ට්‍රෙන්ඩ් වෙන මාතෘකා මතුවෙලා යටපත් වුණත් බැසිල් ගෝඨා ගැටුම තමයි මෑත කාලයේදී වැඩිපුරම කතාබහට ලක්වුණ මාතෘකාව. මේ දෙන්නා අතරින් ලංකාවෙ මිඩ්ල් ක්ලාස් එක ගෝඨාට වැඩිපුර කැමතියි. සාමාන්‍ය මිනිස්සුන්ට අදහසක් නැහැ. ජනමාධ්‍ය වලිනුයි, බුද්ධිමතුන් යැයි කියාගත්ත අයයි, මහින්ද රාජපක්ෂයි තෝරා දෙන ඕනෑම කෙනෙක්ව සාමාන්‍ය ජනතාව පිළිගනීවි.

දුර බැලීම

‘ඒ මොන වචනය කීවත් උන්වහන්සේ නරක දෙයක් කියන බව විශ්වාස කරන්නෙ නැහැ. ඊට වඩා දුරදක්නා නුවණින් ඒ ප‍්‍රකාශය බාරගන්නවා. අපේ රටට අවශ්‍ය වන්නේ රටට ජාතියට ආදරය කරන, ජනතාවට සෙත සලසන පාලනයක්.‘

ඩබ්ලිව්.ඒ. සිල්වා මහතාගේ අපූරු ජීවිතයෙන් බිඳක්

නූතන නවකථා කලාවේ කතාන්දර රජු ලෙස සැලකෙන්නේ ඩබ්ලිව්. ඒ. සිල්වා මහතා. විසිවැනි සියවසේ මුල්ම යුගයේදී සිංහල නවකථාව වර්ණයෙන් පුරවාලන්නට ඔහු සමත්වෙනවා. 1890 උපත ලබා 1957 දී මෙලොවින් සමුගත් වැල්ලවත්තආරච්චිගේ ඒබ්‍රහම් සිල්වා හෙවත් ඩබ්ලිව්.ඒ. සිල්වා මහතා විසින් රචනා කළ විජයබා කොල්ලය, සිරියාලතා, හිඟන කොල්ලා, කැලෑ හඳ, හඳපාන, දෛවයෝගය, සුනේත්‍රා ඇතුළු නවකථා කෘති ගොන්නක් වගේම කෙටිකතා එකතු රැසක් සිංහල සාහිත්‍යයට අපූරුවට පාර පෙන්වන්නට සමත් වුණා. සිල්වා ශූරීන්ගේ සංස්කෘත මිශ්‍ර භාෂා ශෛලියද අපූරු ලෙස පාඨකයාව ග්‍රහණය කරගන්නට සමත් වූ බව විචාරකයන් ලියනවා.

අධිකරණයට ඉදිරිපත් කළ කාන්තාවන් ගැන නීතීඥයා කී කතාව

'සර් මං අයාලෙ ගියා තමයි. මේ මහත්තයා එක්කම තමයි හිටියෙ.' උසාවියකට ඉදිරිපත් කරපු සංක්‍රාන්ති ලිංගික සහෝදරියක් වරක් මහේස්ත්‍රාත් ඉදිරියේ එහෙම කියලා තිබුණා. ඒ තමන්ව අල්ලගෙන ඉදිරිපත් කරපු පොලිස් නිලධාරීන් අතරින් කෙනෙක්ව පෙන්වලා. එකපාරම කරපු ඒ ප්‍රකාශයෙන් මුළු අධිකරණයම කලබල වෙලා තිබුණා. පොලිස් නිලධාරියාත් බයවෙලා තිබුණා. අන්තිමේ ඒ කාන්තාව නිදහස් කරන්නත්, අධිකරණයේ අවවාද ලබන්නත් පොලිස් කණ්ඩායමට සිද්ධවෙලා තිබුණා. 'සමහරු බයටම වැරැද්ද පිළිගන්නවා. මං පිළිගත්තෙ නෑ. මං මොකටද නොකරපු වැරැද්දක් පිළිගන්නෙ. මාව අයාලෙ ගියා කියල ඇරෙස්ට් කරනවානම් මාත් එක්ක හිටපු කෙනෙක්ව පෙන්වන්න ඕනෑනෙ.' ඒ සිදුවීම ගැන ඇය අපි එක්ක එහෙම කීවා. ඒක පරණ සිදුවීමක්.

ජුනි 25 වැනිදා අනුරාධපුර මහේස්ත්‍රාත් වෙත ඉදිරිපත් කරපු කාන්තාවන් දෙදෙනෙක් ලිංගික ශ්‍රමිකයන්යැයි කියමින් පොලීසියෙන් කරුණු ඉදිරිපත් කරලා තිබුණා. ඒත් ඒ කාන්තාවන් වෙනුවෙන් ඉදිරිපත් වුණ නීතීඥයා නලින් දිමුතු විසින් එයට විරුද්ධව හඬනඟලා. ඒ නිසා අධිකරණයේදී උණුසුම් තත්වයක් ඇතිවෙලා තිබුණා.

තායිලන්තයේ ළමා ලිංගික ශ්‍රමිකයන්

තායිලන්තය. බොහෝ දේවල්වලට යහපත් නාමය දිනාගනිද්දී ලෝකයේ වැඩිම ළමා ලිිංගික ශ්‍රමිකයන් සිටින රටක් ලෙස නරක නාමය දිනාගත් රට. ලිංගික සේවාවන් සැපයීම සඳහා දරුවන්ව ජාවාරම් කිරිම පිළිබඳව මෙන්ම ළමා ලිංගික ශ්‍රමිකයන් සඳහා සංචාරක ආකර්ශණයක්ද තායිලන්තයට තියෙනවා. තායිලන්තයට සමීප රටවල් කිහිපයකින්ම තායිලන්තයට දරුවන්ව රැගෙන එන්නෙ මේ ව්‍යාපාරය සඳහා.

එක්සත් ජාතීන්ගේ සංවිධානය ළමයින් ලෙස සලකන්නේ වයස අවුරුදු 18ට අඩු පුරවැසියන්ව. ළමයෙක්ව ලිංගික ශ්‍රමිකයෙකු ලෙස යොදාගැනීමෙන් මානසික සංකූලතා, මත්ද්‍රව්‍ය ඇබ්බැහිය, සමාජ රෝග වැළඳීම, දරුවන් අපරාධවලට යොමුවීම, ළමා ගැබිණියන් මෙන්ම මරණය වැනි භයානක ප්‍රථිපල රැසකට මඟ විවෘත වන බව එක්සත් ජාතීන්ගේ සංවිධානය පෙන්වාදෙනවා. මේ සටහනින් අප කතාකරන්නේ එවැනි භයානක මාතෘකාවක් ගැනයි.

සනුකගේ චාඕ මල්ලී

සනුකගෙ අලුත්ම සිංදුව තමයි චාඕ මල්ලි කියන්නෙ. දැනටමත් බොහෝ අය සිංදුව අහලා ඇති. ඉතාලි පිස්සුව ගැනයි සිංදුව තියෙන්නෙ. මේක ලංකාවෙ පළවැනි ඉතාලි සිංදුව නොවන බව දන්නවානෙ. සල්ලි පොකුරු මිල්ලෙ අහුරු සහ පිටරට විස්තර මෙව්වා වගෙ සිංදු මීට කලින් යුරෝප පිස්සුව ගැන හැදිලා තියෙනවා. දැන් ඉතාලියට වඩා කොරියන්, ජපන් පිස්සුව වැඩිවෙලා තියෙන බව ඇත්ත. ඒත් තාමත් ඉතාලි පිස්සුව හැදුණ කොල්ලො කෙල්ලෝ ඕනෑතරං ඉන්නවා. මොනවා කරන්නද? අවස්ථාවක් නැති කරුම දේශයක කොල්ලො කෙල්ලොන්ට ඒ වගෙ පිස්සු හැදෙන එක සාධාරණයිනෙ.

ඝාතනයට පෙර!

හොස්ටල් එකේ. අපි එතකොට එකොළහේ සෙට් එක. හොස්ටල් පහසුකම් තිබුණෙ ඕලෙවල් වෙනතුරු විතරයි. ඉතින් එකොළහේ සෙට් එක තමයි හොස්ටල් එකේ ලොක්කෝ. ප්‍රසිද්ධ කොළඹ ඉස්කෝලෙක. හොස්ටල් එකේ බැජ් විදියට තමයි කල්ලි තිබුණෙ. පොඩි උං ඉන්න ඕනෑ ලොකු උන්ට ඕනෑ විදියට. ඇතුලේ යන වලි ගැන සර්ලාට කේලම් කිව්වොත් කේලමෝ අල වෙනවා. ඉතින්, අපට චණ්ඩිපාට් දාන්න නිදහස තිබුණා.

අපේ සෙට් එකේ  හයක්. අපි පොඩි උං කාලෙ ලොකු උං ඉස්සරහ බලු වුණාට, අපි එකොළහේදී මම තමයි ලොකුම කෙරුමා. පොඩි උංට වැඩිම පාට් දැම්මෙ මම. පණ්ඩිත පාට් දාන උන්ට රිදෙන්න දුන්නෙ මම. පොඩි උං මගේ ඉස්සරහදී ටිකක් බය පෙන්නුවා. මං නැති වෙලාවට මට හොරෙං මාව බලු කාඩ් එකට දානවා ඇති.

කඳුකරයම කාමරයක

ජෙට්වින් ආයතනයට අයත් නුවරඑළිය වෝවික් වතුයායේ පවත්වාගෙන යන හෝටල් සංකීර්ණය තුල වතුකරයේ තේ දළු නෙලන ජීවිතවල සැබෑ අත්දැකීමක් ලබා දීම සඳහා "මීන අම්මාගේ ලයින් කාමරය" නමින් කාමරයක් නම් කිරීම සම්බන්ධයෙන් මුහුණු පොත සහ ට්විටර් මාධ්‍ය හරහා මහජනතාව කරනු ලැබූ විවේචනවලට ප්‍රතිචාරයක් ලෙස එහි ප්‍රධාන අධ්‍යක්ෂක හිරාන් කුරේ පවසා ඇත්තේ (https://www.facebook.com/jetwinghotels/posts/2030827963617564) ඇත්ත වශයෙන්ම මෙම කාමරය නම් කිරීමේ යෝජනාව එම වතු යායට ප්‍රධානව අවරුදු 12 ක් මෙහෙකාර සේවයේ නියැලුණු මීන අම්මා විසින්ම කල බවයි. 

ශ්‍රීලනිප මළගමේ අවසන් ඇණය

ඉදිරි මාස දෙකක් තුනක් ඇතුලත මහින්ද රාජපක්ෂ ඇතුළුව නිල වශයෙන්

 ලංකා නිදහස් පක්ෂ සාමාජිකයන් පිරිසක් ශ්‍රී ලංකා පොදුජන පෙරමුණේ නිල සාමාජිකත්වය ගන්න නියමිතයි. ‍ එය ලංකා ඉතිහාසයේ දැවැන්ත දේශපාලන වෙනසක් වේවි. 

උතුරේදී කොටියෙක් මරා සැමරීම

තිරිසන්නු. ජීවිතයක වටිනාකම පිළිබඳ දැනුමක් නැති, හැඟීම නැති ජීවීන්. ජීවත්වීමේ සටන වෙනුවෙන් ඕනෑම දෙයක් කරන්නට සූදානම් අය. 

මනුෂ්‍යයෝ. සතුන්ට වඩා උසස්යැයි පිළිගැනෙන ශිෂ්ඨ ජීවීන්. ඇතැම්විට සොබාදහම අනවශ්‍ය විදියට පාලනය කරමින් ජීවත්වීමට අපට වරමක් ලැබුණායැයි අපි හිතන්නේත් අපි තිරිසනුන්ට වඩා ශිෂ්ඨ යැයි සිතන නිසා වෙන්න ඇති. 

සී.අයි.ඩීය 'ලක්බිම'ට

ලක්බිම පත්තරේ පළවුණ මේ ප්‍රවෘත්තියක් සම්බන්ධයෙන් පරීක්ෂාවක් කරන්න කියලා ඒ ප්‍රවෘත්තිය ලියපු මාධ්‍යවේදීන්ගෙයි, අනුමත කරපු කර්තෘවරයාගෙයි තොරතුරු ඉල්ලලා සී.අයි.ඩී.ය ලක්බිම පත්තරයට ලියුමක් යවලා තිබුණා....

ඒ ප්‍රවෘත්තිය මැයි 25 වැනිදා තමයි පළ කරලා තියෙන්නෙ.

නීතීඥ සංගමයත් සාධුලාට බයද?

‘හාමුදුරුවරු සිරගත කරනවා. පොලිස්පතිවරයාගේ නීතිය නැවීමේ ක‍්‍රමය යටතේ ඉදිරිපත්වෙන බී වාර්තා ගැන පුදුම හිතෙනවා. බටහිර ජාතීන් සතුටු කරන්නට මේ නඩු තීන්දුව දීලා තියෙනවා. ඒ පසුපස ප‍්‍රබල ඇමතිවරුන් දෙන්නෙක් ඉන්නවා’

ලිංගිකව එක්වූ බාලවයස්කාරයන්..... ( Photos )

ගිය සතියේ අනුරාධපුරයේදී නවයොවුන් තරුණියක් එක්ක ලිංගික ඇසුරක් පවත්වපු තරුණයෙක්ට ඒ දැරියවම විවාහ කරදෙන්න තරුණියගෙ පවුලම මැදිහත් වුණ සිදුවීමක් වාර්තාවෙලා තිබුණා. ඇයට දැරියක් යැයි කීවත් ඇයට වයස අවුරුදු 18යි. ඒ තරුණයාට වයස අවුරුදු විස්සක් ඇති. මේ දෙන්නා නිවසේදී හොරෙන් ලිංගිකව එක්වෙලා. තරුණයා මේ ඇසුර තරුණයා වීඩියෝ කරලා තියෙනවාලු. පොලීසියට ලැබුණු 'ඔත්තුවක්' නිසා මේ තරුණයා සහ තරුණිය සිටි නිවසට ඇතුලුවෙලා. තරුණයාව අත්අඩංගුවට අරන් මොකක්හරි චෝදනාවකට අධිකරණයට ඉදිරිපත් කරන්න සූදානම් කරලා. මේ මුලු සිදුවීම් මාලාවම හරි විකෘතියි. අපේ සමාජයේම විකෘති බව සිදුවීම් මාලාව ඇතුලේ තියෙනවා.

ඡායාරූපය සංකේතයක් පමණි

දෙමළ ප්‍රශ්ණය සහ හමුදාව

මේ කර්නල්ගේ කතාව සම්පූර්ණ හමුදාවට ආදේශ කරගෙන මීඩියා සියල්ලම නටන්න යන නාඩගම් ගැන පස්සෙ පස්සේ මගේ ඔලුව ක්ලියර් වෙන්න ගත්තත්. ඒ සියල්ලට කලින් මට ආපු ඔරිජිනල් අදහස් එක්ක මට යමක් කියන්න ඕනෑ වුණා. මේක ටිකක් සුභවාදීවම මට බලන්න ඕනෑ වුණා.



රත්නප්‍රිය බන්දුගේ කතාව දුටු විගස මට මතක් වුණේ භාරතීපුරම්. දෙවැනියට කේප්පාපිලවු. තුන්වැනියට අතුරුදන් දරුවන් වෙනුවෙන් උපවාස කරන අම්මලා. හතරවැනියට මගේ මල්ලි සහ මස්සිනා.

හතරවැනියාගෙන් කතාව පටන්ගන්ඩෝනෙ. මගෙ මල්ලි. අම්මාගෙ මල්ලිගෙ පුතා. එයා හමුදාවෙ සෙබලෙක්. හමුදාවට බැඳුණෙ යුද්ධයෙන් පස්සෙ. ටිකක් නිහඬ කොල්ලෙක්. අහිංසකයෙක්. මස්සිනා කියලා කිව්වෙ නංගිගේ පෙම්වතාට. එයාත් හමුදා සෙබලෙක්. මම තවම මස්සිනා රෙස්පෙක්ට් එක තියාගෙන වචනයක් කතාකරලා නැතත් නංගි කියන විදියට අහිංසකයෙක්. හොඳ මිනිස්සු. මම හමුදාවට වෛර කරන කෙනෙක් විදියට ඇතැම්මු අඳුනගන්නවා ඇති. ඒත් මම වෛර කරන්නෙ හමුදාවට නෙවෙයි. හමුදාවට කරන්න වෙන යුද්ධ වලට. යුද්ධ වලට ප්‍රේම කරන්න තරම් උන්මත්තකභාවයක් මට නැහැ. මම ප්‍රේම කරන්නෙ සාමයට. යුද්ධය ආදරණීය, වීරත්වයෙන් පිරුණු දෙයක් විදියට වර්ණනා කරන්නත් මට ඕනෑ නැහැ. මම වර්ණනා කරන්නෙ සාමය. සාමය ගැන කතාකරන්නෙ යුද්ධවල කෙරෙන්නෙ මිනිස්සු මරාදැමීමක් වන නිසා. මිනිස්සු මරනවාට කවුද එකඟ??? හැබැයි යුද්ධවලට යන්නෙත් මිනිස්සු. මොන යුනිෆෝම් එක ඇතුලෙත් ඉන්නෙ මිනිස්සු. 

කම්මැලියි බන්සාලි!

සංජේ ලීලා බන්සාලිගේ චිත්‍රපටියක් නම් විශිෂ්ඨ වැඩක් කියන එකයි සමාජයෙ මතය. උතුරු ඉන්දියාවටත් ඒ අදහස තියෙනවා. දකුණු ඉන්දියාවටත් මේ අදහස තියෙනවා. ඒත් කුමන හෝ හේතුවක් නිසා බ්ලැක් සහ හම් දිල් දේ චුකේ සනම් හැර සංජේ ලීලා බන්සාලිගේ හැම චිත්‍රපටියක්ම මහා කම්මැලි ටෙලිනාට්‍ය එපිසෝඩ් වගෙයි අපට දැනෙන්නෙ. පද්මාවත් බැලුවාම ඒ අදහස තවත් කොන්ක්‍රීට් වුණා. 

කණගාටුවෙන්, කේන්තියෙන් සහ සන්තෝසයෙන් ලියමි,

රාවයෙන් මට ලැබෙන්න තිබුණු මුදල් නොදී ඉන්නැයි රාවයේ ‘අයිතිකාරයා’ වෙච්ච වික්ටර් අයිවන් රාවයේ ගිණුම් අංශයට නියෝග කරලා. පහුගිය සතියේ දවසක මුදල් ලබාගන්නට රාවය කාර්යාලයට ගිය මට මුදල් නොදුන්නා විතරක් නෙවෙයි, මාව පොලීසියට කතාකරලා එළියට දාන බවට රාවයේ හිමිකරුවන් වගේ දැන් හැසිරෙන සේවකයෙක් තර්ජනයකුත් කළා. ස්තූතියි රාවය. වික්ටර් අයිවන් මහතාටත් ස්තූතියි.

රාවයෙන් මට ලැබෙන්න තිබුණු මුදල ගැන ඇහුවොත් කෙනෙකුට හිනායන්නට ඉඩ තියෙනවා. වික්ටර් අයිවන් මහතාත් හිතනවා ඇත්තේ ඒ කුඩා මුදලක් කියා වෙන්න ඕනෙ. මොකද ඔහු තමන්ගේ කොලමේ කිහිපවතාවක් ලියලා තිබුණා ඔහුට රාවයෙන් ඉවත් වෙන මොහොතේ ලැබුණේ රුපියල් 65 000ක වගේ සොච්චම් වැටුපක් කියලා. ඒ වගේම දැන් රාවයට සතිපතා පිටුවක් පුරා ලියන ඔහුගේ කොලමට රුපියල් 5000 බැගින් ලැබෙනවා. මාසෙට ලිපි හතරක් ලිව්වොත් රුපියල් 20 000යි. ( මේ ඔහුට ලැබෙන වෙනත් විවිධ මුදල්වලට අමතරව. ඔහු රාවයේ ලියන මේ ලිපිම පොත් විදියට පළ කරනවා. ඉන්පස්සේ ඒ පොත් විකිණීමෙන් ඔහුට දැවැන්ත ආදායමක් ලැබෙනවා. රාවය ප්‍රකාශකයන්ගේ පොත් අතරින් රාවයේ උපරිම අනුග්‍රහය ලැබෙන්නෙ ඔහු ලියන පොත්වලට. )

කූඹියෝ ඉෆෙක්ට් එකෙන් පසුව

කූඹියෝ අවසාන වීමත් සමඟ ඒ ගැන වර්ණනා වගේම ඒ ගැන විවේචනත් ගොඩක් දකින්න ලැබෙනවා. හැබැයි වැඩේ කියන්නේ කූඹීයොන්ට පට්ටපල් බණින අය පවා කූඹියෝ පැල් බැඳගෙන බලපු අයයි.

විවේචන පැත්තකින් තිබ්බොත් අවසාන කොටස බැලුවාම හිතපු තරම් හිත පිරුණු ගතියක් දැනුණු නැති බව හැමෝටම පිළිගන්න වෙනවා. අවසාන එපිසෝඩ් එකක් කියන්නේ ක්ලයිමැක්ස් එකක්. ඒත් අපි අවසාන එපිසෝඩ් එකකට සැදී පැහැදී බලාගෙන හිටියේ ක්ලයිමැක්ස් එකෙන් බාගයක් ඉවරවෙලා, වෙන දේ අපි දැනගත්තාට පස්සෙ. ඉතින් හිත පිරෙන්නේ නැති එක සාමාන්‍ය දෙයක්. කොහොමවුණත් මේ සටහන ලියන්නේ කූඹියෝ ගැන කතාකරන්න නෙවෙයි. කූඹියෝ ඉෆෙක්ට් එක ගැන කතාකරන්නයි.

තුන්දෙනෙක්

ප්‍රසන්න විතානගේ, විමුක්ති ජයසුන්දර සහ අශෝක හඳගම එක්ව නිර්මාණය කළ තුන්දෙනෙක් චිත්‍රපටිය  තව ටික දවසකින් සිනමාහල්වල දකින්නට ලැබේවි. යුද්ධයෙන් පසුව මිනිස්සු’ තුන්දෙනෙක් චිත්‍රපටියෙ තේමාව වුණා. ඇය, ඔහු සහ අනෙකා චිත්‍රපටියේ තේමාව වුණා. යුද්ධයේදී තෝරාගන්නේ මොන පිල වුණත් ඒ මැද සිටින්නේ මිනිසුන්. ආදරය දැනෙන මිනිසුන්, බිය දැනෙන මිනිසුන්, තමන් කළ වරදකට වරදකාරීත්වය දන්නා මිනිසුන්. 

තුන්දෙනා

ඇමති ආරක්ෂක සහෝදරයා

සහෝදරයා ටෙලිඩ්‍රාම එකේ ජගා කරන කැරැක්ටර් එක පහුගිය සතියේ විතර විශේෂයෙන් මතුකරන්න පටන්අරන් තියෙනවා. මුලින්ම ජගා ඇවිත් බියර් එකක් දීගෙන යද්දීම මට හිතුණා ඒ කැරැක්ටර් එකට වැදගත් කොටසක් ඇති කියල. සමහරවිට ඉදිරියට ඒකට වැදගත් කොටසක් තියෙන්න පුළුවන්. කොහොමත් මේ වෙද්දීත් ඒ කැරැක්ටර් එකට වැදගත් තැනක් ලැබිලා හමාරයි.

කැරැක්ටර් එක රළු මිනිහෙක්. මැරයෙක් නෙවෙයි.

බැසිල් දින්න එක කොච්චර හොඳද?

ගෝඨා සහ බැසිල් අතර රාජපක්ෂ කණ්ඩායම ඇතුලේ සියුම් සීතල යුද්ධයක් තිබුණා. ඒ වගේම පක්ෂයෙ කණ්ඩායම් දෙක වෙන්කළේ බැසිල් බවට ලොකු චෝදනාවක් එල්ලවුණා. ඒ චෝදනාව එල්ලකළ අය කිව්වේ බැසිල් රාජපක්ෂගේ නායකත්වයෙන් ශ්‍රිලනිපය එකතුකරන්න ඕනෙ කියලයි. මෛත්‍රීපාල සිරිසේන මහත්තයාත් විකල්පය විදියට ඒක තියාගෙන හිටපු බව පෙනුණා.

විජයකලා මෛත්‍රී ප්‍රේමය සහ කාන්තා දේශපාලනය

රේඛා / උඩුවා


ලංකාවේ දේශපාලන සංස්කෘතික අවකාශයේ ඉන්න කාන්තාවන්ට විඳින්නට වෙන අත්දැකීම් මොනවගේද. බොහෝවිට මාධ්‍යවේදිනියන්, සිවිල් ක්‍රියාකාරිනියන්, ෆේස්බුක්හි දේශපාලන අදහස් පළකරන්නියන් වගේම දේශපාලනයේ නිරතවෙන කාන්තාවන්ට මුහුණදෙන්නට සිදුවෙන අත්දැකීම් මොනවගේද. 

ඡායාරූපය උපුටා ගත්තේ නිරූපණය සඳහා පමණි. මේ අදහස් අනුමත කරන්නට නොවේ

සිරිසේන!

දහම් බේබි වාරී මාර්ග ව්‍යාපෘතියක් විවෘත කරමින්

ජනාධිපති මෛත්‍රීපාල සිරිසේන මහත්තයා අපූරු කතා ගොඩක් මෑත දිනවල කියනවා. රටේ මෑත කාලයේ බිහිවුණ වැනෙනසුළුම පාලකයා ඔහු. වැනෙනසුළු බව කිව්වේ ඔහු හිටං ඉන්නකොට වැනෙන එක ගැන නෙවෙයි. ඔහුට ස්ථීර අදහසක් නැහැ. තමන් හිටගත්ත තැන හිටගන්න බෑ. ඔහු වරින් වර තමන්ගේ අදහස් වෙනස් කරනවා.

අපි උදාහරණවලට ගත්තොත් නැවත ජනාධිපතිවරනයට ඉදිරිපත් නොවන බව කීව ජනාධිපතිවරයා දැන් කියන්නේ ඉදිරි ජනාධිපතිවරයණයට ඉදිරිපත් වෙනවාද නැද්ද කියන එක ගැන ස්ථීර අදහසක් නැති බවයි. සෝභිත හිමියන්ගේ දේහය ඉදිරිපිට විධායක ජනාධිපති ක්‍රමය අහෝසි කරන බවට ශපථ කළ ජනාධිපතිවරයා පසුව දිවයින පුවත්පතට තමන්ගේ නමින් ලිපියක් ලියමින් කීවේ විධායක ජනාධිපති ක්‍රමය අහෝසි කිරීම පිළිබඳ තීරණයක් ගැනිම තමන් විසින් ශ්‍රිලනිපයට බාර දී ඇති බවයි.

පතිරාජයන්ගේ වේදනාව Pathiraja's Pain

ධර්මසේන පතිරාජයන් අප අතරින් සමුගෙන යෑම අන් සියළු කරදර, ප්‍රශ්ණ මොහොතකට අමතක කොට කම්පා වෙන්නට අවස්ථාවක් විය. ඔහු අපේ පරම්පරාවට ආශ්‍රය කරන්නට ලැබුණු දැවැන්තම කලාකරුවෙක් විය. පරිණතම මිනිසෙක් විය.

පතිරාජයන්ගේ යහපත් ගතිගුණ ගැන මේ මොහොතේ ලියැවිය යුතුය. ඒ ගැන කතාකළ යුතුය. ඔහුගේ සිනමාවේ විශේෂත්වය ගැන කතාකළ යුතුය. ඔහු අන්තර්ජාතිකව ලැබූ ගෞරවයන් ගැන කතාබහ කළ යුතුය. ඒ සඳහා සුදුස්සා මා නොවේ. මට ලිවිය හැක්කේ ඔහු තම ජීවිතයේ අවසානයේ විඳි මහා සිනමාත්මක වේදනාව ගැනයි.

රන්ජන් අවස්ථාවාදියෙක්ද?

රන්ජන්ව වර්ණනා කිරීම වගේම ඔහු අවධානය දිනාගන්න වැඩකරනවා කියලා චෝදනාත් බොහෝම එල්ලවෙනවා මේ දිනවල. ඩොක්ටර් නවරියන් චිත්‍රපටිය නිසා ඔහුගෙ සිනමාවටත් විවේචන වගේම හොඳ කියැවෙනවා. සමහරු කියන්නෙ ඇත්ත ජීවිතේදීත් ඔහු නළුවා කියලයි. රඟපානවා, බොරුව දානවා කියලයි.